Түбән Камада кызамыкка каршы бушлай вакцинация уза

Түбән Кама үзәк район хастаханәсе поликлиникаларында теркәлү урыны буенча кызамыкка каршы бушлай прививка ясыйлар. Бу хакта Түбән Кама үзәк хастаханәсе матбугат хезмәте хәбәр итә.

Табиблар 35 яшькә кадәрге кешеләргә, әгәр алар элек прививка ясатмаган һәм кызамык белән авырмаган булсалар, прививка ясатырга киңәш итә. Шулай ук 36 яшьтән 55 яшькә кадәрге куркыныч төркемендә булган кешеләргә (медицина, мәгариф, сәүдә, транспорт, коммуналь һәм социаль өлкәләрдә эшләүчеләргә) прививка кирәк.

Үзеңнең иммун статусы турында медицина учреждениесендә белергә мөмкин.