Түбән Камада гриппка каршы вакцинация үткәрү өчен өстәмә пунктлар ачылды

26 сентябрьдән Түбән Камада гриппка каршы вакцинация үткәрү өчен өстәмә пунктлар ачылды. Бу хакта Түбән Кама районының үзәк хастаханәсенең матбугат хезмәте хәбәр итә. 

26 һәм 29 сентябрь көннәрендә медикларның мобиль бригадасы НКЦда 9:00 сәгатьтән 11:00 сәгатькә кадәр прививка ясаячак.

26, 27, 28 һәм 29 сентябрь көннәрендә гриппка каршы прививканы базарда 11:00 сәгатьтән 13:00 сәгатькә кадәр ясатырга мөмкин.

Шулай ук мобиль пунктлар микрорайоннарның иҗтимагый үзәгендә дә оештырылган.