Түбән Камада 300дән артык кеше талпан кадалганнан соң хастаханәгә мөрәҗәгать иткән

23 майга Түбән Кама районында талпан тешләүнең 319 очрагы теркәлгән.

Татарстан буенча медицина учреждениеләренә урман бете кадалганнан соң барлыгы 3 037 кеше мөрәҗәгать иткән, бу 2023 ел күрсәткеченнән 9,6 процентка кимрәк, дип хәбәр итә Роспотребнадзорның ТР буенча матбугат хезмәте.

Татарстанлыларның исләренә төшерәләр: табигатьтә ял итү өчен бер төсле һәм ачык төстәге кием сайларга кирәк. Чалбар балаклары итекләргә, тыгыз резинкалы оекбашларга кертеп куелырга тиеш, башка капюшон яки яулык кияргә кирәк. Талпан кадалган очракта мөмкин кадәр тизрәк хастаханәгә мөрәҗәгать итү мөһим.