Түбән Камада 1 сентябрьдә гриппка каршы вакцинация башланды

Түбән Кама поликлиникаларында 1 сентябрьдә гриппка каршы вакцинация башланды. Бу хакта үзәк район хастаханәсенең матбугат хезмәте хәбәр итә. Прививкалар өчен «Ультрикс Квадри» препараты кулланыла.

Вакцинация алдыннан пациентны табиб тикшерә, ә аннан соң процедура кабинетына җибәрә. Ике поликлиникада да эш көннәрендә 7:30дан 18:30га кадәр гриппка каршы прививка ясатырга мөмкин.

Эпидемиологлар әйтүенчә, хәзер вакцинация өчен иң уңай вакыт, чөнки иммунитет формалаштыру өчен 2-3 атна, ә иммунитеты какшаган кешеләргә прививка ясатканнан соң 1,5 айга кадәр вакыт кирәк.