Түбән Кама районында күчмә маммограф эшли

Түбән Кама районының Кама Аланы хастаханәсендә күчмә маммограф эшли. Бу хакта Түбән Кама шәһәр сәламәтлек саклау хезмәтенең матбугат хезмәте хәбәр итә.

Шушы көннәрдә Түбән Кама районы авылларыннан 319 кеше маммография узган.

Диспансеризация узучы пациентларны, шулай ук авыл җирлегендә яшәүче 65 яшьтән өлкәнрәк кешеләрне процедурага хезмәт транспортында алып киләләр. Җыелу вакыты һәм урыны турында халыкка алдан хәбәр итәләр.

«Күчмә маммограф хастаханә янында 22 февральгә кадәр эшләячәк. Барлык мәгълүматны фельдшердан яки 33-90-03 телефоны аша шалтыратып белешергә була», — дип сөйләделәр матбугат хезмәтендә.