Терапевтларга ярдәмгә фельдшерлар киләчәк
Үзәк хастаханә баш табибының медицина бүлеге буенча урынбасары Марс Мостафин һәм поликлиника эше буенча урынбасары Сергей Мерясев медицина көллиятендә «дәвалау эше» һөнәрен үзләштерүче студентлар белән очрашты.
Егетләр һәм кызлар көллиятне быел тәмамлый. Шуңа да хастаханәдә яшь белгечләрне түземсезлек белән көтәләр. Баш табиб Хәбибулла Ахмедов тәкъдиме буенча, участок терапевтлары эшләрен җиңеләйтү өчен, эшкә фельдшерларны кабул итәчәкләр. Моның өчен алты ставка бүлеп бирелгән.
Авыру терапевтка күренеп, тикшерү узгач, дәвалауны фельдшер дәвам итәчәк. Яшь белгечләргә ярдәмгә остазлар да билгеләнәчәк.
Очрашу вакытында студентлар күп сорау бирделәр. Мисал өчен, аларны социаль гарантияләр, хезмәт хакы күләме кызыксындырды. Хастаханә җитәкчелеге «барысы да тәртиптә булыр», дип тынычландырды. Яшь белгечләргә югары медицина уку йортында белем алу мөмкинлеге дә биреләчәк. Фельдшерларны хастаханәгә алганда, аларның көллияттә өлгерешләренә игътибар итәчәкләр, психологта тест узарга кирәк булачак. Авырулар белән уртак тел таба алу да бик мөһим. Участокларда эшләргә теләүчеләр күп булса, ставкалар саны да арттырылырга мөмкин.
Фото НЦРМБ сайтыннан алынды.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев