Офтальмолог: Язгы конъюнктивит күрү сәләтен югалтуга китерергә мөмкин

Ул төрле булырга мөмкин. Бу хакта «Радио 1» белән әңгәмәдә Балачак фәнни-тикшеренү клиник институты табиб-офтальмологы Алексей Иванов сөйләде.

«Чәчәк ату чорында була торган аллергик конъюнктивит бар. Шулай ук бактериаль, гөмбәле, вируслы конъюнктивит та була», — диде ул.

Аллергик конъюнктивит — ул организмның үсемлек серкәсенә реакциясе. Мондый төр конъюнктивит вакытында күзләр кызара, күз кабаклары шешә, кычыта.

«Симптомнар көчәергә һәм хәтта күрү сәләтен югалту кебек җитди нәтиҗәләргә китерергә мөмкин. Сәбәпне ачыклау өчен диагностика узарга кирәк. Аллергикларны томау төшү, ютәл борчый башлый, шуңа күрә офтальмологка да, аллерголог-иммунологка да мөрәҗәгать итәргә кирәк», — дип аңлатты табиб.