Кан тамырларын ныгыту ысуллары

Кан тамырлары тыгылса, баш миенә туклыклы матдәләр җитәрлек күләмдә килми. Баш мие тулы куәтенә эшләмәсә, ул бөтен организмда чагылыш таба. Шуңа да кан тамырларының сәламәтлеген иң беренче чиратта кайгыртырга кирәк, дип яза «Ватаным Татарстан». 

Моның өчен:

— эчә торган чәегезгә көн дә бер генә чеметем дарчин — корица өстәгез. Атна-ун көннән соң нәтиҗәсе гаҗәпләндерәчәк. Болай эшләгәндә баш миенең уйлау-фикерләү сәләте күпкә арта;

— бер чөгендернең согын сыгып, суыткычта 2–3 сәгать тотыгыз да, бал белән туглап, ашаганнан соң көненә 3 тапкыр 4 аш кашыгы йотып куегыз. Моны өч атна дәвамында эшләргә кирәк. Ике ай ял иткәч, янә кабатларга мөмкин. Нәтиҗәсе озак көттермәс;

— какао эчү дә баш миенең эшчәнлеген яхшырта. Аны бигрәк тә өлкән яшьтәгеләргә эчәргә киңәш ителә.

PS: Тискәре йогынтысы булырга мөмкин. Кулланыр алдыннан табиб белән киңәшләшегез.

Фото:freepik.com