Туу үлемгә кадәр күбрәк

Түбән Кама җитәкчеләре киңәшмәсендә гражданлык хәле актларын теркәү идарәсе җитәкчесе Бэлла Махотина чыгыш ясады.

Гаиләдә икенче, өченче, дүртенче сабый туу очраклары арта. Ә менә язылышырга теләүчеләр саны кимегән. Иң өлкән кияүгә 81, кәләшкә 70 яшь. 2016 елда туган сабыйларга кушылган иң сирәк исемнәр арасында - Тамина, Элавия, Алемзар, Арнат, Рой-Натанэль, Аарон-Артур. Ә менә киң таралганнардан - Софья, Виктория, Әминә,Тимур, Артём һәм Әмир. Узган елда 2008 малай һәм 1867 кыз туган.