Түбәнкамалылар быел төзекләндерелергә тиешле объектлар өчен тавыш бирә ала

Татарстанда 15 апрельдә 2024 елда төзекләндерелергә тиешле объектлар өчен тавыш бирү ачылды.

Сораштыруда җәмәгать киңлекләре һәм ишегаллары катнаша.

Түбән Кама районында түбәндәге объектлар тәкъдим ителгән:

1. 27 нче микрорайондагы җәяүлеләр юлы (Нефтехимиклар паркыннан Чулман урамына кадәр)
2. Менделеев урамы буенча җәяүлеләр юлы (Шинчылар урамыннан Бызов урамына кадәр)
3. «Три сестры» җәяүлеләр юлы, Химиклар проспектыннан Гагарин урамына кадәр
4. Зеленов ис. сквер, Шинчылар проспекты, Вахитов проспекты
5. Тукай урамы буенча сквер, Тукай урамы (И.Х.Садыйков исемендәге балалар иҗаты үзәгеннән Төзүчеләр проспектына кадәр)
6. Кама Аланындагы «Сөенеч» скверы (икенче чират)

Ишегаллары исемлегендә шәһәрнекеләрдән тыш, Кама Аланы, Зур Афанасово, Каенлы, Иске Чишмә, Ширәмәт, Трудовой бистәләрендә урнашкан 142 объект бар. 

Тавыш бирү gorodsreda.tatar.ru сайтында һәм ТР Дәүләт хезмәтләре порталында 31 майга кадәр үткәрелә. Нәтиҗәләр park.tatar һәм dvor.tatar. сайтларында урнаштырылачак.