Түбәнкамалылар бу атнада халык артистын һәм Казан башкаручыларын тыңлый алачак

Түбән Камада «Мәдәни мохит» проекты дәвам итә. Аның кысаларында шәһәр халкын күңел ачу программалары көтә, дип хәбәр итә шәһәр администрациясенең матбугат хезмәте.

28 июльдә «Гаилә» паркында Татарстан Республикасының халык артисты Рәсим Низамов чыгыш ясаячак. Башлана: 18.00дә.

Шимбә, 29 июльдә, шәһәр халкы өчен җырларны Казаннан Лилия Хәмитова һәм Винарис башкарачак. Аларның чыгышы Г. Тукай исемендәге ял һәм уку паркында көндезге сәгать биштә узачак.

Ә менә якшәмбе, 30 июльдә, Н. В. Лемаев исемендәге скверда ТР атказанган мәдәният хезмәткәрләре Эльвира Гыйматдинова һәм Эдуард Газиев сәхнәгә чыгачак.