Түбән Каманың балалар хастаханәсендә яңа отоларинголог кабул итә

Түбән Кама балалар хастаханәсенең консультатив-диагностика бүлеге персоналына тагын бер табиб өстәлде. Ноябрьдән кечкенә пациентларны отоларинголог Алсу Гәрәева кабул итә. Бу хакта перинаталь үзәк белән балалар дәваханәсе матбугат хезмәте хәбәр итә.

Алсу Гәрәева Түбән Камада туып-үскән. 2020 елда педиатрия белгечлеге буенча Ижау медицина академиясен тәмамлый. Аннары оториноларингология белгечлеге буенча Казан дәүләт медицина университетына ординатурага укырга керә.

Укуын тәмамлаганнан соң яшь белгеч туган шәһәренә эшкә кайта.