Түбән Каманың 35нче микрорайонында яңа социаль ипотека йортын тапшыруга әзерләнәләр

Татарстанның Дәүләт төзелешен күзәтү инспекциясе Түбән Каманың 35нче микрорайонындагы яңа төзелгән йортта соңгы тикшерү үткәрә. 
Бу хакта ведомство сайтында хәбәр ителә. Җитешсезлекләр табылмаган очракта, йорт ярашлылык турында нәтиҗә алачак.

8нче йортны узган елның гыйнварында социаль ипотека һәм «Торак һәм шәһәр мохите» илкүләм проекты программасы буенча төзи башладылар. Төзелеш инвесторы — «ТР Президенты каршындагы Дәүләт торак фонды» Коммерциячел булмаган оешма.

Панель йортта гомуми мәйданы 6,5 мең кв.метр булган 110 фатир бар.