Түбән Каманың 19нчы мәктәбендә капиталь ремонт ясалачак

Бу хакта турыдан-туры эфир барышында шәһәр мэры Рамил Муллин сөйләде.
«Бу бик катлаулы мәсъәлә иде һәм аны хәл итүгә зур юл үтәргә туры килде. Без Президент Аппаратыннан, министрлыклардан, депутатлардан да ярдәм сорадык. Без бу объектны программага кертә алдык», — дип ассызыклады Рамил Муллин.

Быел Салих Сәйдәшев исемендәге музыка көллиятендә башланган ремонт дәвам итәчәк. Ул 2023 елга республика программасына кертелгән, эшләргә 130 млн сум акча бүлеп биреләчәк.