Түбән Камадагы 1 нче татар гимназиясе капиталь төзекләндереләчәк

Татарстан Рәисе Рөстәм Миңнеханов карары буенча Түбән Камадагы 1 нче санлы татар гимназиясен капиталь төзекләндерүгә акча бүлеп бирелгән.
Бу хакта Түбән Кама мэры Радмир Беляев сөйләде, әлеге ярдәм ярдәмендә гимназия бинасы тулысынча яңартылачак һәм аның территориясе төзекләндереләчәк. Тиешле документлар чыккач, төзүчеләр ремонт эшләренә керешәчәк.

«Рөстәм Нургалиевичка бу карары өчен зур рәхмәт! Бу мәсьәләдә Татарстан Дәүләт Советы Рәисе урынбасары, Татарстан Республикасы Рәисе каршындагы татар телен һәм Татарстанда яшәүче халыкларның туган телләрен саклау, үстерү мәсьәләләре буенча комиссия рәисе Марат Әхмәтовка ярдәм иткәне өчен рәхмәт белдерәм», — дип язды Радмир Беляев.