Түбән Камада хастаханәләр тирәсендәге территорияләрне төзекләндерергә планлаштыралар

Шәһәр җитәкчелеге медицина учреждениеләре территорияләрен төзекләндерү буенча планнар турында фикер алышты.

Эш сәфәре барышында Түбән Кама мэры Рамил Муллин Перинаталь үзәге булган балалар хастаханәсе, 1 нче поликлиника, балалар өчен йогышлы авырулар хастаханәсе һәм бала тудыру йорты янындагы территорияләрне карады.

Планнарда — комплекслы эшләр башкару: чүп-чарны җыештыру, коймаларны һәм авария хәлендәге корылмаларны сүтү, карт һәм куркыныч тудыручы агачларны кисү, бушаган мәйданда амфитеатр, җәяүлеләр сукмаклары, парковкалар төзү. Сәламәтлек саклауның башка объектларында башлык пациентларга йөрү өчен скверлар төзергә тәкъдим итте.