Түбән Камада Ураза бәйрәме алдыннан Үзәк мәчет янында өмә үткәрделәр

19 апрельдә Түбән Кама хакимияте, шулай ук бюджет һәм социаль оешма хезмәткәрләре традицион рәвештә чәршәмбе өмәсенә чыкты.

Чистарту өчен Үзәк мәчеттән «Гаилә» паркына кадәр мәйданчык сайланды.

300 кеше тырма белән коралланса, аларга ярдәмгә дүрт самосвал һәм өч погрузчик китерелде.

«Бу — кеше иң күп йөри торган участок. Монда ял итүчеләр күп. Һәркемгә уңайлы булсын өчен, без бу җыештыруны даими рәвештә үткәрәбез», — дип сөйләде Түбән Кама башкарма комитеты җитәкчесе урынбасары Ленар Зарипов.