Түбән Камада сәнәгать калдыкларын контрольдә тоту өчен яңа лаборатория ачарга җыеналар

Тиздән Түбән Камада сәнәгать калдыкларын контрольдә тоту өчен Лаборатория анализы һәм техник үлчәүләр үзәгенең Татарстан буенча филиалы ачылачак. Бу хакта Росприроднадзорның Идел-Кама төбәкара идарәсе җитәкчесе Фаяз Шакиров хәбәр итте, дип яза Татар-информ.

Лаборатория сәнәгать калдыкларының, эш зонасы һавасы, атмосфера һавасы, табигый су, агым сулар күрсәткечен билгеләячәк. Ведомствода ачыклауларынча, яңа лабораторияне аккредитацияләү мәсьәләсе ел ахырына кадәр хәл ителергә тиеш.

Хәзерге вакытта Казан һәм Түбән Каманың алты предприятиесендә планнан тыш тикшерүләр уза.