Түбән Камада шәһәр юлларында җыелган суны суырталар һәм карны йомшарталар

Түбән Камада махсус техника яңгыр канализациясе булмаган урыннарда автомобиль юлларыннан эрегән суны суырта. Бүген бу ысул — юлларда суның җыелуына каршы чараларның иң нәтиҗәлесе.

Юллардагы зур сулыклар белән көрәшүнең тагын бер төре — тизрәк эресен өчен карны йомшарту.

Юллардагы вазгыятькә һава торышының җылы торуы тәэсир итә. Юллардагы хәл төрле җирдә төрле. Кайдадыр су агып китә торган урыннар үзләренең төп бурычын бик яхшы үти, ә кайдадыр юк.

Эрегән су тизрәк китсен өчен, коммуналь хезмәткәрләр мөмкин булганның барысын да эшли. Хәзер су басуга каршы барлык кирәкле чаралар үткәрелә: эрегән сулар суыртыла, карны тарату, бозны кисү кебек эшләр башкарыла. Һәм бу эш фронты якын арада үзгәрешсез калачак.