Түбән Камада масштаблы гомумшәһәр өмәләре узачак

ТКХ буенча Түбән Кама башкарма комитеты җитәкчесе урынбасары Максим Парамонов хәбәр иткәнчә, шәһәр халкы 19 һәм 26 апрельдә шәһәрне җыештыруга чыгачак.

«Бу көннәрдә шимбә өмәләренә шәһәр оешмалары һәм предприятиеләре генә түгел, ә идарә хезмәткәрләре, волонтерлык хәрәкәтләре, урта һәм югары уку йортлары укучылары һәм битараф булмаган гражданнар да кушылыр дип өметләнәм», — дип билгеләп үтте Парамонов.

Беркетелгән территорияләрне чистарту тәртибе өч этапта узачак: 10-12 апрельдә, 17-19 апрельдә, 24-26 апрельдә.