Түбән Камада яңа мәдәни киңлек барлыкка киләчәк

Түбән Камада яңа мәдәни киңлек барлыкка киләчәк. Моның өчен социаль үсеш идарәсе базасын капиталь ремонтлаячаклар. Бу хакта Түбән Кама хакимиятенең матбугат хезмәте хәбәр итә.

Төп корпус һәм тирә-юньдәге корылмалар яңартылачак: түбәне, коммуникацияләрне торгызачаклар, тәрәзәләрне һәм ишекләрне, керү урынын алыштырачаклар, биналарның эчке бизәлешен һәм фасадны яңартачаклар, территорияне төзекләндерәчәкләр.

Төзекләндерелгән биналарда иҗади берләшмәләр, остаханәләр, клублар эшчәнлеге өчен күпфункцияле мәдәни арт-киңлек булдырылачак. Музыкаль, интеллектуаль, сәнгать, белем бирү, күңел ачу юнәлешләрендә иҗади ял оештыру өчен шартлар тудырылачак.