Түбән Камада яктыртылган тоннельләр урнаштырылды

Түбән Кама Яңа ел бәйрәменә әзерләнә. Шәһәрне бәйрәмчә бизәү эшләре тулы куәткә бара.

Традиция буенча Химиклар проспектын якты шарлар белән бизәгәннәр, Николай Лемаев исемендәге скверда чыршы уенчыгы рәвешендә зур кызыл шар урнаштырылган инде, эшчеләр Яңа ел шәһәрчекләрен бизи.

Быел Түбән Камада яңа бәйрәм элементлары: яктыртылган тоннельләр барлыкка киләчәк. Алар җәяүлеләр зоналарында куелачак. Хәзерге вакытта алар Шинчылар проспектындагы «Гаилә» паркы буенда урнаштырылган. Шәһәр буенча барлыгы 10 урында куелачак.

Әлеге туннельләр гаилә фотолары өчен бик яхшы урын булачак.