Түбән Камада чүп-чарны чыгару графигы үзгәрәчәк

Түбән Камада 1 майдан каты коммуналь калдыкларны чыгару графигы яңартылачак. Бу хакта шәһәр администрациясенең матбугат хезмәте хәбәр итә.

Әлеге үзгәрешләр, теркәлгән контейнер мәйданчыклары булмаган участокларда, өзлексез чыгаруны тәэмин итү өчен булдырылды. Графикның яңартылуы Түбән Каманың күп фатирлы йортлары ишегалларындагы контейнер мәйданчыкларыннан чүп-чарны чыгаруның даимилегенә тәэсир итмәячәк. Актуаль графикны төбәк операторы сайтында карарга мөмкин.