Түбән Камада «акыллы светофор»лар урнаштыру дәвам итә

Түбән Камада магистраль һәм хәрәкәт аеруча күп булган чатларда «акыллы светофорлар» урнаштыру дәвам итә. Татарстанның Түбән Кама муниципаль районы башкарма комитеты җитәкчесенең гадәттән тыш хәлләр, гражданнар оборонасы һәм террорчылыкка каршы эшчәнлек мәсьәләләре буенча урынбасары Артур Сәлахов «ВКонтакте» дагы үз аккаунтында мондый светофорларның транспорт агымнары хәрәкәтен автоматлаштыру һәм оптимальләштерү өчен каралуы турында сөйләде.

«Безнең шәһәр халкына юл хәрәкәте кагыйдәләрен саклау турында искә төшерәсе килә, чөнки безнең иминлегебез — безнең кулларда», — дип ассызыклады Сәлахов.