Түбән Камада 2025 елда су белән тәэмин итү һәм ташландык суларны агызу тарифлары расланды

Түбән Камада «Суүткәргеч-канализация һәм энергетика хуҗалыгы» җәмгыятенең су белән тәэмин итүгә һәм ташландык суларны агызуга тарифлары расланды. Бу хакта телеканалга компаниянең матбугат хезмәтендә хәбәр иттеләр.

Шулай итеп, Татарстан Республикасы Тарифлар буенча дәүләт комитетының 2024 елның 17 декабрендәге 551-135/кс-2024 номерлы карары нигезендә Түбән Кама, Красноключино һәм Афанасово авыл җирлекләре халкы өчен бер кубометр салкын суның бәясе 2025 елның 1 июленнән 41 сум 89 тиен тәшкил итәчәк (+17,53%), су агызу — 29,12 сум (+18,76%), башка кулланучылар өчен — 34 сум 91 тиен һәм 24,27 сум (НДСны исәпкә алмыйча).