Түбән Камада 2024 елда 189 подъездда ремонт ясау планлаштырыла

Түбән Камада подъездларда ремонт сезоны башланды. Бу хакта ТКХ департаментының матбугат хезмәте хәбәр итә.

Бүгенге көндә торак идарәче компанияләр һәм хезмәт күрсәтүче оешмалар көче белән 49 подъездда баскычларны ремонтлау башланды.

Бизәү эшләреннән тыш, тамбур ишекләрен, чүп бушату җайланмасын алыштыру, керү ишекләрен җылыту, кабель-каналлар урнаштыру һәм башка эшләр башкарылачак.

2024 елда Түбән Каманың 189 подъездында баскычларны ремонтлау планлаштырыла.