Түбән Камада 2 ай эчендә 2,5 меңгә якын агач утыртылды

Түбән Камада санитар-экологик икеайлык барышында 2,5 меңгә якын агач һәм 30 меңнән артык куак утыртылган. Территориаль иҗтимагый үзидарә советлары микрорайоннарда һәм ишегалларында 423 өмә оештырган. 

Көн саен биш йөздән артык дворник йорт яны һәм шәһәр территорияләрендә җыештыру эшләрен башкара. Язгы өмәләргә 100гә якын оешма һәм предприятие чыккан.

Шәһәрдә һәм авыл җирлекләрендә урамнарны җыештыруда һәм агач утыртуда барлыгы 90 меңнән артык кеше катнашты, 12,5 мең кубометр чүп-чар чыгарылды һәм 1,5 мең берәмлек техника җәлеп ителде, дип хәбәр итте «эшлекле дүшәмбе» дә Түбән Кама муниципаль районының башкарма комитеты җитәкчесе урынбасары Максим Парамонов.