Түбән Камада 12 машина көн саен юлларны су-тоз эремәсе белән эшкәртә

1 ноябрьдән Түбән Кама юлларын көн саен 12 юл машинасы эшкәртә.

Температура −5 градустан югары булганда моны су-тоз эремәсе белән эшлиләр, ул боз хасил булмаска ярдәм итә.

Шәһәр яны юлларында ком-тоз катнашмасын кулланалар, чөнки анда җил көчлерәк һәм эремә тәэсир итмәскә мөмкин.

«Беренче чиратта барлык үзәк юлларны эшкәртәбез, завод юлларына күчәбез. Машина агымына карап эшлибез, беренче чиратта — магистраль юллар, аннары хәрәкәт азрак булган юлларга күчәбез», — дип сөйләде «КПБ» МУП директоры Руслан Харитонов.