Түбән Кама үзәк хастаханәсенең икенче дәвалау корпусында капремонт дәвам итә

Түбән Кама үзәк район хастаханәсенең икенче дәвалау корпусында капиталь төзекләндерү дәвам итә.

Эшчеләр бүлмәләрне үзгәртеп кору белән мәшгуль. Ремонттан соң һәр палатада бәдрәф һәм душ булачак, дип хәбәр итә хастаханәнең матбугат хезмәте.

Бүгенге көндә ремонтка 100гә якын эшче җәлеп ителгән. Сүтү эшләре тәмамланган, хәзерге вакытта тәрәзәләр урнаштыру, идән җәю эшләре бара. 

Беренче этапта биш катлы бинаның уң канаты ремонтланачак, икенче этапта корпусның сул өлеше үзгәртеләчәк. Ремонтны киләсе ел ахырына төгәлләү планлаштырыла.