Түбән Кама районында Җиңү көненә 35 мемориаль комплекс яңартылачак

Түбән Кама районында Җиңү көненә шәһәрдә булган барлык 35 мемориаль комплекс, һәйкәл һәм обелиск тәртипкә китереләчәк. Кирәк урында косметик ремонт ясалачак, тирә-якны чистартачаклар.

Бу хакта киңәшмәдә Түбән Кама муниципаль районы башкарма комитеты җитәкчесенең социаль мәсьәләләр буенча урынбасары Айзат Мәхмүтов сөйләде.

Түбән Кама муниципаль районы башлыгы Рамил Муллин мемориалларны яңарту буенча барлык кирәкле чараларны үткәрергә кушты.