Түбән Кама районы суд приставлары бурычлылардан 234 млн сум түләттергән

Түбән Кама районында 2024 елның 3 аенда суд приставлары 9363 башкарма производство буенча 233,9 млн сум бурыч түләттергән.

Социаль әһәмияттәге башкарма производстволар, шул исәптән алимент түләүләре — аерым контрольдә. Беренче квартал өчен балигъ булмаганнар файдасына 14,7 млн сум бурыч түләттерелгән.

Бурычлыларга карата мәҗбүри түләттерү чаралары кулланыла. Бурычлы кешенең шәхесенә турыдан-туры юнәлдерелгән чаралар яхшы нәтиҗә бирә: илдән чыгуны тыю һәм махсус хокуклардан файдалануны чикләү рәвешендәге чикләүләр. Әйтик, Түбән Кама районында яшәүчеләрнең илдән чыгуын вакытлыча чикләү турында 3 ай эчендә 5607 карар чыгарылган.