Түбән Кама мэры шәһәр өчен мөһим датаны искә төшерде

Нәкъ 63 ел элек Түбән Кама төзелеше башланып китә. Бу хакта Түбән Кама мэры Рамил Муллин искә төшерде.

Нәкъ менә 1960 елның 25 декабреннән нефтехимиклар шәһәренең тарихы башлана.

«Ул вакытта Лениногорсктан чана-трактор поездында төзүчеләрнең беренче десанты килә. Алар үзләре белән җиһазлар — котельный, электр станциясе, бульдозерлар, экскаваторлар алып килгән. Беренче энтузиастлар арасында 25 кеше булган», — дип яза Муллин.

Булачак шәһәр урынына беренче булып килүчеләрнең берсе — Иван Коршин. Хәзер аңа 88 яшь, ул шәһәр тормышында һәм яшь буынны тәрбияләүдә актив катнашуын дәвам итә.

Моңа кадәр без Түбән Каманың «Кояшлы алан» паркында чыршы ачу тантанасында «Нардуган» ансамбле чыгыш ясаячак дип язган идек.