Түбән Кама архитекторы шәһәр автобусларын ачык төсләргә буярга тәкъдим итте

Түбән Кама архитекторы җәмәгать транспортын ачык төсләргә буярга тәкъдим итте. «Эшлекле дүшәмбе» дә Равил Сәфиуллин шәһәрнең архитектура кыяфәте нинди стильдә формалашачагы турында сөйләде.

«Шәһәрнең имиджы өчен кабатланмас булу бик мөһим. Түбән Кама дизайн кодын аңлау өчен ачкыч бик гади: акцентлар да һәм фон да бар. Фон ак, соры һәм зәңгәр төстә бирелгән. Ә акцент — сары кирпеч (ачык көрән төс) һәм табигый текстуралар — соры төсмерләре. Шәһәрнең архитектура бүлеге беренче төзүчеләр биргән дизайн-кодны аңлый һәм кабул итә һәм аны алга таба үстерергә һәм сакларга кирәк дип саный», — дип аңлатты Түбән Кама архитекторы.

Барлык торак йортлар ак, соры, зәңгәр төсләргә буялачак. Социаль объектлар (мәдәният, спорт, мәгариф) ачык көрән төстә булачак, ә бизнес һәм сәүдәгә кагылышлы һәрнәрсә мөмкин кадәр үтәкүренмәле булачак, дип сөйләде архитектор.

Шәһәр мохитенә якты төсләрне табигый ландшафт һәм Түбән Каманың 60 еллыгына эшләнгән бренд төсләре кертәчәк.

«Җәмәгать транспортын шәһәр бренды төсләренә буяу тәкъдим ителә. Автобус һәм трамвайларга хисчән шигарьләр каршы алачак», — дип хәбәр итте Сәфиуллин.

Төзелеш мәйданчыкларын әйләндереп алынган киртәләрне дә бренд төсләрендә башкару тәкъдим ителә. Моннан тыш, бу төсләрне кечкенә архитектура формаларын (эскәмияләр, урналар, фонарьлар, коймалар) декорацияләү өчен кулланырга тәкъдим ителә.