Татарстанда сайлаучылар тәрбияле - Россия юристлары ассоциациясе вәкиле Денис Паньшин

РФ ФҖның VII чакырылыш Дәүләт Думасына депутатлар сайлау көнендә Татарстанда мин игътибар итәрлек нәрсә булмады, дип белдерде бүген ТР Үзәк сайлау комиссиянең Бердәм мәгълүмат үзәгенә килгән Россия юристлары ассоциясенең Яшь юристлар координацион советы рәисе Денис Паньшин. Димәк, республикада хокук бозулар, юрист катышырлык хилафлыклар булмаган. Аның сүзләренчә, Курск, Амур өлкәсендә һәм Алтай турында алай дип булмый.

"Татарстанда сайлау, традацион рәвештә, тыныч уза. Бу исә сайлау комиссиясенең дисциплиналы булуыннан гына тормый, сайлаучыларның үзләренең тәрбияле булуыннан дип уйлыйм", - диде Россия юристлары ассоциясе вәкиле.

Денис Паньшин бүген ил буенча 226 сайлау округы, 96,7 мең сайлау участогы эшләвен, 73 партиянең күпчелеге сайлауда катнашуын һәм Россия Федерациясендә тавыш бирергә хокуклы 109,7 млн кеше яшәвен, илдән читтә 1,7 млн кеше булуын билгеләп үтте. 2011 елгы сайлауда 9 партия кимендә 1 урынлы булды, дип искәртте.

Чыганак: http://tatar-inform.tatar/news/2016/09/18/126364/