Тагын бер ял итү урыны

Әйе, шәһәрнең бу почмагында берничә америка чаганы үсеп утырган урын бар шул. Әлегә парк дип атасаң, хәтере калыр. Шәһәр башкарма комитеты җитәкчесе Денис Баландин үзенең Инстаграмм битендә биредә 2024 елга кадәр бөек рус шагыйре Александр Пушкинга багышланган сквер булу мөмкинлеге турында әйткән.
Андый урыннар санап китсәң, байтак әле ул Түбән Камада. Әйтик, 6 нчы мәктәп белән Корабельная урамына кадәр ара. Монда да инде кайчандыр утыртылган агачлар картайган, юллары тузган. «Аркада» сәүдә үзәге арты, 8 нче мәктәп каршында да шушындый ук хәл күзәтелә.
Шәһәр әле чагыштырмача яшь булса да, беренче төзелгән районнар әкренләп «картая». Кайчандыр матур булып үскән агачлар, хәзер кеше тормышына куркыныч тудыра, җәйгән асфальт искерә. Туберкулез диспансерына бара торган юл да, куркыныч кинолар сюжетын хәтерләтә. Бәлки тора-бара әкренләп шәһәрнең иске районнарындагы башка паркларга да чират җитәр.
Илһамия ГАФФАРОВА.