Рамил Муллин Түбән Камада урамнарны кардан нинди тәртиптә чистартуларын аңлатты

Түбән Кама мэры Рамил Муллин Түбән Камада кар күп яуганлыктан, барлык хезмәтләр көчәйтелгән режимда эшли, дип сөйләде.

Аның сүзләренчә, «КПБ» МУП тәүлек әйләнәсе эшли, ә ишегалды себерүчеләр эшкә алданрак киләләр һәм графиктан берничә сәгатькә соңрак тәмамлыйлар.

«Менә инде өченче йокысыз тәүлек алар халык файдасына эшлиләр! Коммуналь хезмәткәрләрнең һәммәсенә авыр хезмәтләре өчен рәхмәт белдерәсем килә!» — дип яза шәһәр мэры.

Шул ук вакытта, хәл киеренке булып кала, ә мул кар тагын ким дигәндә ике көн дәвам итәчәк. Муллин аңлатканча, беренче чиратта белгечләр төп урамнар буйлап магистральләрне һәм җәяүлеләр юлын, ә торак идарәче компанияләре ишегалды киңлекләрен чистарта.

«Кадерле Түбән Кама халкы! Сездән бу масштаблы эшкә хөрмәт белән каравыгызны сорыйбыз — юлларны кардан чистарту урыннарында машиналарны калдырмавыгызны, мөмкин булганча ишегалдыгызның чисталыгы өстендә эшләүчеләргә кушылуыгызны сорыйбыз», — дип мөрәҗәгать итте шәһәр халкына Түбән Кама мэры.