Путин Түбән Кама шәһәр суды судьясын билгеләде

Россия Президенты Владимир Путин үзенең указы белән Түбән Кама шәһәр суды судьясы итеп Динар Гарифуллинны билгеләде. Документ «Хокукый мәгълүматның рәсми интернет-порталы»нда басылып чыкты.

Дәүләт башлыгы шулай ук Азнакай, Чаллы, Арча һәм Аксубай район судлары һәм Казанның өч районы судлары судьяларын билгеләде.

Татарстан Арбитраж судында да яңа судьялар барлыкка килде — Айрат Галимов, Альбина Мирсәетова һәм Инна Фомина.