5000 мең сумлык түләүләргә 3 яшькә кадәрге балалары булган барлык гаиләләрнең хокуклары бар

Моңа кадәр бу акча бары тик аз керемле гаиләләргә түләнәчәк дип игълан ителгән иде. 2017 елның 1 апреленнән 2020 елның 1 гыйнварына кадәр туган яки уллыкка алынган балаларга апрель, май, июнь ае өчен 5әр мең сум алачак.

Моннан кала, 2004 елның 11 маеннан алып 2017 елның 30 июненә кадәр туып, 3-15 яшьтә булган балалы гаиләләргә дә дәүләттән ярдәм биреләчәк. Һәр балага бер тапкыр 10 ар мең сум түләнәчәк. Моның өчен гариза бары Дәүләт хезмәтләре порталы аша октябрьга кадәр кабул ителә. Аны игътибар белән тутырыгыз, акча күчерәсе счет гариза бирүченеке булырга тиеш. Башка бернинди документ кирәк түгел.