Йога, машиналар күргәзмәсе һәм артистлар чыгышы: Түбән Камада Яшьләр көне ничек билгеләп үтеләчәк

29 июньдә Түбән Камада Яшьләр көне билгеләп үтелә. Шәһәрлеләр өчен бай программа әзерләнгән.

10 сәгатьтән түбәнкамалыларны «Айда» экстрим-паркында төрле активлыклар көтәчәк. Анда саф һавада йога, арт-терапия, паркур буенча мастер-класс, экстремаль спорт төрләре буенча ярышлар, сугыш сәнгате фестивале һәм бию буенча ярышлар узачак.

16 сәгатьтән шәһәр яр буенда кичке программа башлана. Бәйрәм кунаклары өчен машиналар һәм мотоцикллар күргәзмәсе оештырылачак, җирле артистлар чыгыш ясаячак. 18:50 сәгатьтә сәхнәгә «Юки» вокаль триосы, 19:20 сәгатьтә җырчы MARY M, 19:50 сәгатьтә TATAR һәм BARA дуэты чыгачак. Бәйрәмнең хедлайнеры — җырчы AMCHI.