Гомерлеккә булсын вәгъдәләр

ЗАГС идарәсе начальнигы Бэлла Махотина әйтүенчә иң кыска никах 3 ай гына дәвам иткән. Өлкән буын вәкилләре арасында да, сирәк булса да гаилә таркалу очраклары булгалый икән. Әнә шундый бер пар, 47 ел бергә гомер кичергәннән соң, аерылышкан. Бу вакытта иренә 79, хатынына 75 яшь булган. ЗАГС хезмәткәрләре аерылышучылардан сәбәпләрен дә сорашканнар. Җавап бирүчеләрнең 33 проценты гаиләдә тигез мөнәсәбәтләр булмау, дип җавап биргән. Югыйсә, өйләнешкәндә 71 проценты яратышып өйләнешкән булган. Икенче урында аралар суыну һәм хыянәт булса (29 процент), акча җитмәү бары тик өченче урында гына (16 процент).
Аерылышырга ниятләгән 8 пар, психолог белән сөйләшкәннән соң, кире уйлаган.