Быел Түбән Камада тагын 14 километр велосипед юлы барлыкка киләчәк

Юлларда балалар иминлеген тәэмин итү — җәйге каникуллар алдыннан аеруча мөһим тема. Эшнең берничә юнәлеше билгеләнгән, алар арасында тизлекне саклау, куркынычсызлык утрауларын төзекләндерү, альтернатив транспортны үстерү. Мәсәлән, шәһәрдә велосипед спорты белән шөгыльләнү өчен 37 км велосипед юллары булдырылган инде. Быел тагын 14 км өстәргә планлаштыралар. Электр самокатларын арендага бирүче 3 компания эшли.

«Шәһәрдә «тыныч зоналар» билгеләнгән, анда самокатлар тизлекләрен 10 км/сәг кадәр киметә -бу шәһәр парклары һәм иҗтимагый киңлекләр. Аунап ятучы самокатлар белән проблема бар, моңа юл куймау буенча чаралар билгеләнгән», — дип билгеләп үтте Түбән Кама районы башлыгының куркынычсыз юл инфраструктурасы мәсьәләләре буенча ярдәмчесе Рәис Шәехов.