Быел Түбән Камада автобус полосалары барлыкка киләчәк

2024 елда Түбән Камада автобуслар өчен полосаларны сынап карау башланачак. Тиешле билгеләрне берничә урамда күререгә мөмкин. Бу хакта мэр Рамил Муллин «эшлекле дүшәмбе» дә сөйләде.

«Быел без пилот режимында кайбер урамнарда автобуслар өчен билгеләр һәм җәмәгать транспорты хәрәкәтен контрольдә тоту өчен видеокамералар урнаштыра башлыйбыз. Шул исәптән монда вахта автобусларын да кертү мәсьәләсен хәл итәргә кирәк», — дип хәбәр итте шәһәр башлыгы.