Булачак әниләрне Түбән Кама бала тудыру йорты буенча экскурсиягә чакыралар

Булачак әниләр янә Түбән Каманың Перинаталь үзәге буйлап экскурсияләр ясый ала. Бу хакта перинаталь үзәк белән балалар хастаханәсе матбугат хезмәте хәбәр итә.

Экскурсия вакытында булачак әниләр үз сорауларына җавап таба алачак, курку һәм борчылулардан арынып, бала тудыру йортының гадәти булмаган шартларына ияләшү мөмкинлеге алачак.

Гадәттәгечә, чара лекциядән башлана. Монда бала табуның йомшак ысулы (мягкие роды), партнер белән бала табу мөмкинлеге турында белергә була.

Мондый экскурсияләр ике атнага бер тапкыр булыр дип планлаштырыла.

Фото социаль челтәрләрдән алынды.