Бер километры – 84 миллион сум

Хәзерге вакытта әзерлек эшләре бара. Беренче чиратта асфальтның өске катламын алачаклар. Төзекләндерүнең беренче этабына 115 миллион сум  акча кирәк булачак. Ул быел бүлеп биреләчәк. Киләсе елга тагын 335 миллион сум көтелә. Исәп буенча, бер километрны тулысынча яңарту 84 миллион сумга төшәчәк. 
Юлның уң ягы 17 августтан тулысынча ябылды. Барлык машиналар сул яктан йөрергә мәҗбүр. Биредә көнлек пассажирлар агымы 25-35 мең кеше тәшкил итә. Әмма йөртүчеләр БСИ юлыннан файдалана ала. Предприятиеләргә эшкә вахта белән йөрү уңайлырак булыр.  
Гомумән, барлык эшләрне 2019 елның октябренә кадәр төгәлләргә кирәк булачак. Транспорт йөрү өчен дүрт-алты полосалы юл булачак. Машина йөрү трассасының киңлеген 15-19 метрга җиткерү планлаштырыла.