Агачларны кисәләр

Моны яңа күпер төзү ихтыяҗы белән аңлаталар. «Түбән Кама урманчылыгы» предприятиесенең урманны тергезү буенча инженер Рәшит Әхәтов әйтүенчә, урман кисү законлы рәвештә башкарыла. «Татнефть» компаниясе эшләр тәмамлану белән, бер киселгән агач урынына ике яшь үсенте утыртачак, янәсе. Сүз уңаеннан, соңгы вакытта шәһәрдә дә шактый агачлар киселә. Алай гына да түгел, «Корабельная роща» дип аталган урманыбыз да сыекланган. «Яңаларын утыртабыз», дип вәгъдә бирүчеләр агачның ничә ел үсүен беләләрме икән?.. Болай булгач, шәһәрнең «ялангач» калу куркынычы бар.
Фото НТР cайтыннан алынды.