15 апрельдән Түбән Каманың Корабельная урамындагы юл участогында ремонт эшләре башланачак

15 апрельдән Корабельная урамындагы Студенческая — Корабельная боҗрасыннан алып, Вокзал — Корабельная боҗрасына кадәр юл участогында капиталь ремонт башланачак.

Эшләрне «Татавтодор»ның Түбән Кама филиалы башкара, дип хәбәр итә хакимиятнең матбугат хезмәте.

Шулай ук 15 апрельдән Тукай районындагы Чаллы — Зәй — Әлмәт — Түбән Кама трассасы участогы, шулай ук Түбән Кама районындагы Чаллы — Зәй — Әлмәт — Түбән Кама трасса участогы төзекләндереләчәк.

Машина йөртүчеләрдән эш алып барыла торган участокларда хәрәкәт иткәндә юл хәрәкәте кагыйдәләрен һәм юл билгеләре таләпләрен үтәүләрен сорыйлар.