Узган ялларда Түбән Кама автоинспекторлары 7 исерек шоферны тоткарлаган

Узган ял көннәрендә Түбән Камада җиде исерек шоферны машина белән идарә итүдән читләштерделәр.

ЮХИДИ хезмәткәрләре рейд вакытында машина йөртүчеләрнең аеклыгын һәм транспорт чаралары белән идарә итү хокукы булу-булмавын тикшерә, ә ДПС экипажлары авария куркыныч зур булган участокларда дежур тора.

Түбән Кама дәүләт автоинспекциясендә исерек хәлдә транспорт чарасы белән идарә иткән өчен 30 мең сум күләмендә штраф һәм ике елга кадәр автомобиль белән идарә итү хокукыннан мәхрүм итү яный дип искәртә.