Түбәнкамалының фатирында төнлә телевизорга ут капкан

6 декабрьгә каршы төндә Түбән Каманың Шинчылар проспектындагы 44 нче йортта янгын чыккан. Бу хакта Түбән Кама муниципаль районы буенча күзәтчелек эшчәнлеге һәм профилактика эше бүлеге хәбәр итә.

Төнлә икенче каттагы фатирларның берсендә телевизорга ут каба. Янгын сүндерүчеләрне шаһит чакыра. Ул фатирда әтиле-уллы ике кеше булуын хәбәр итә. Утны алар янгын сүндерүчеләр килгәнче үзләре сүндерә. Зыян күрүчеләр юк.

Моңа кадәр без татарстанлыны законсыз урман кискән өчен хөкем иттеләр дип язган идек.