Түбәнкамалы «кәрәзле элемтә компаниясе операторы»на ышанып 90 мең сум акчасын югалта

47 яшьлек түбәнкамалы телефон алдакчысына ышанган һәм акчасын югалткан.

25 март кичендә зыян күрүчегә бер ир-ат шалтырата, ул үзен кәрәзле компания операторы хезмәткәре дип таныштыра. Әңгәмәдәш хезмәтнең сыйфатын яхшырту өчен кайбер гамәлләрне башкарырга киңәш итә.

Хатын-кыз чит кешене тыңлый һәм аның күрсәтмәләре буенча төрле кушымталарга, шул исәптән банкларга да керә башлый. Шуннан соң зыян күрүченең телефоны сүнә. Ә аннан соң ул үзенең картасыннан 90 мең сум акча алынганын күрә. Түбәнкамалы полициягә мөрәҗәгать итә һәм карталарын блокка куя, дип хәбәр иттеләр Түбән Кама районы буенча Россия Эчке эшләр идарәсенә.