Түбән Каманың бер урамында 2 сәгать эчендә ике наркоман тоткарланган

Түбән Камада ике сәгать эчендә наркотиклары булган ике кеше тоткарланды. Бу хакта Россия Эчке эшләр министрлыгының Түбән Кама районы буенча идарәсенең матбугат хезмәте хәбәр итә.

Шулай, 13 октябрьдә кичке сәгать сигезләр тирәсендә Соболековская урамындагы бензин салу станциясе янында полиция хезмәткәрләре 20 яшьлек егетне тоткарлый, аның кулында өч граммга якын гомуми авырлыктагы «мефедрон» наркотигы табыла.

Аңа карата «табиб билгеләмәсеннән башка наркотиклар куллану» маддәсе буенча административ беркетмә төзелгән, аны өч тәүлеккә камерага утырталар, шулай ук «наркотикларны законсыз сатып алу, саклау, җитештерү, зур күләмдә эшкәртү» маддәсе буенча җинаять эше кузгатылган. 

Берничә сәгатьтән соң шул ук көнне һәм шул ук урамда хокук саклау органнары хезмәткәрләре 41 яшьлек ир-атны тоткарлый. Полицияне күрү белән ир ташлаган төргәктә шулай ук 0,68 грамм авырлыктагы «мефедрон» табыла.

Ир-атка карата РФ Административ хокук бозулар Кодексының 6.9 маддәсе буенча административ беркетмә төзелгән, аны өч тәүлеккә ирегеннән мәхрүм итәләр, хәзер аны РФ ҖК 228 маддәсе 1 өлеше буенча кузгатылган җинаять эше буенча тикшерү көтә.

Фото: Россия Эчке эшләр министрлыгының Түбән Кама районы буенча идарәсе матбугат хезмәте.